CORONAVIRUS GALICIA: NINGÚN FALECIDO DESPOIS DE 6 MESES

Coronavirus Galicia: 122 contaxios novos e baixan a 2.309 os casos activos

Galicia segue restando casos activos en global pero empeoran Pontevedra e Vigo. Descenden os hospitalizados e non hai falecementos por primeira vez en meses. Galicia termina a semana mellor que a anterior grazas a que continúa esta leve tendencia descendente de casos activos e novos contaxios, mentres os hospitais van baleirándose de pacientes COVID-19. A mellor noticia das últimas 24 horas é que non se comunicaron falecementos relacionados coa enfermidade, algo que non sucedía desde o 26 de setembro. A semana termina con menos casos activos que a anterior (de 2.519 a 2.309, 210 menos), con menos contagios (de 985 a 877, 108 menos) e con menos hospitalizados (de 266 a 200, 66 menos), e a situación é mellor en todas as áreas sanitarias galegas, menos as de Pontevedra e Vigo. Esta última segue empeorando. As áreas sanitarias máis afectadas seguen sendo A Coruña e Vigo. A área herculina resta hoxe 24 infectados e baixa ata 867, con 26 contagios. Supón nestes momentos o 37,5% de todos os casos de Galicia, e o 37% dos hospitalizados. Vigo suma 23 infectados ata os 560 casos activos. Estes son os datos máis relevantes de hoxe: Os contaxios novos baixan respecto a onte (de 152 a 122) e están por encima dos 107 do domingo pasado. Este aumento de 15 contagios nunha semana supón un 14% máis. Non se produciron falecementos nas últimas 24 horas, e é a primeira vez que sucede desde o 26 de setembro. A Coruña segue sendo a cidade galega máis afectada en incidencia, pero Vigo é a que máis contagios rexistrou nos últimos 7 días. Os casos activos han descendido de 2.357 a 2.309, unha baixada de 48 infectados menos, que supoñen un descenso do 2%. Descenden en 4 persoas os hospitalizados e a diferenza coa semana pasada é de 66 persoas. A incidencia a 14 días mantense en 69, menos dunha décima parte do máximo de 769 do domingo 31 de xaneiro. A incidencia a 7 días mantense en 32. Hoxe domingo son 15 diagnósticos máis que o pasado domingo 21 de marzo, procedendo dun número de probas moi superior. Os 122 casos novos de hoxe son o 1,75% de diagnósticos positivos de 6.934 probas PCR, mentres que os 107 do domingo pasado eran o 3,31% de positivos de 3.231 tests. Na web de datos do Sergas di que nas últimas 24 horas confirmáronse 117 casos de COVID-19 por PCR, pero a diferenza entre o total de infectados desde o inicio da pandemia de hoxe (116.636) e o de onte (116.514) é de 122 persoas. Do mesmo xeito, os novos contaxios que se indicamos calculanse co mesmo procedemento. Nas últimas 24 horas rexistráronse en Galicia 122 novos casos de SARS- CoV-2, ningún falecemento e 170 altas, o que fai que descendan en 48 persoas os casos de coronavirus, pasando dos 2.357 de onte aos 2.309 de hoxe. O total de hospitalizados baixa en 4 persoas, de 204 a 200 pacientes. O pasado domingo eran 266 hospitalizados, 66 máis que hoxe. O total de casos de coronavirus contabilizados polo Sergas desde o inicio da pandemia é de 116.636. Só empeoran Pontevedra e Vigo Hoxe só empeoran as áreas de Pontevedra e Vigo, e o resto melloran. A máis afectada é a área da Coruña, con 867 casos activos (-24), seguida de Vigo con 560 (+22), Santiago con 233 (-21), Pontevedra con 209 (+3), Lugo con 162 (-5), Ferrol con 146 (-11), e Ourense con 132 (-13). A Coruña segue sendo a cidade máis afectada de Galicia con 137 novos contaxios por 100.000 habitantes nas últimas dúas semanas. Incidencia nas cidades A Coruña: 137 (-3) Ferrol: 71 (+1) Lugo: 31 (+5) Ourense: 22 (-3) Pontevedra: 48 (=) Santiago: 71 (+6) Vigo: 106 (+5) Novos contaxios por área sanitaria A Coruña: 26 Ferrol: 5 Lugo: 10 Ourense: 4 Pontevedra: 6 Santiago: 18 Vigo: 53 Total: 122

O total de falecementos desde o inicio da pandemia mantense en 2.332 persoas, ningún máis nas últimas 24 horas, e son 1.713 desde a nova normalidade, superando os 619 da primeira onda da pandemia. O total de hospitalizados é de 200 (-4), divididos en 26 (-6) na UCI e 174 (+2) en unidades de hospitalización. O total de probas PCR realizadas é de 1.835.697, delas 6.934 nas últimas 24 horas, cun 1,75% de positivos. Esta semana termina que a anterior, con 877 en total de luns a domingo fronte aos 985 da semana pasada. As últimas semanas terminaron con 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.´