PONTEVEDRA-SALNÉS: BAIXA A 200 ACTIVOS A PESARES DE SANXENXO E SOUTOMAIOR

Coronavirus Pontevedra-Salnés: 10 contaxios novos e baixan a 200 os casos activos

A área de Pontevedra e O Salnés segue cunha tendencia de mellora, pese ao aumento de contaxios en Sanxenxo e Soutomaior. A área sanitaria de Pontevedra e O Salnés resta outros 10 casos activos máis e termina a semana notablemente mellor que como a empezou. O domingo pasado había 278 casos activos e 25 hospitalizados, e hoxe son soamente 200 infectados e 17 persoas nos hospitais da área sanitaria. Nas últimas 24 horas producíronse 10 contaxios novos e 20 altas, o que fai que baixen en 10 os casos activos, pasando de 210 a 200. Incidencia: Casos por 100.000 habitantes nos últimos 14 días nos concellos do Salnés. Cambados 3 22 Illa de Arousa 3 61 Meaño 3 57 Meis 0 0 O Grove 3 28 Ribadumia 0 0 Sanxenxo 30 173 Vilagarcía de Arousa 3 8 Vilanova de Arousa 3 29

Continúa subindo a incidencia en Sanxenxo, que nestes momentos é o municipio con máis contagios no últimos sete días, por encima de Pontevedra. No resto da área sanitaria segue destacando Soutomaior, que segue sendo o municipio con maior incidencia. O número de pacientes hospitalizados sobe de 16 a 17 persoas, distribuídas en 16 pacientes no CHU de Pontevedra (12 en planta e 4 na UCI), 1 no Hospital Público do Salnés e ningún no Quirónsalud Miguel Domínguez. Na área sanitaria de Pontevedra-O Salnés desde o inicio da pandemia tivo 12.639 casos de coronavirus, con 161 falecementos, 12.278 altas e 200 casos activos nestes momentos.