CORONAVIRUS GALICIA: BAIXAN LIXEIRAMENTE OS HOSPITALIZADOS

Coronavirus Galicia: 103 contaxios novos e baixan a 2.481 os casos activos

Soamente empeoran as áreas sanitarias de Pontevedra e Vigo e baixan os hospitalizados. Continúan baixando aos poucos os casos activos en Galicia e os contaxios mantéñense en números similares aos últimos días. Hoxe son 9 casos novos menos que o luns pasado, aínda que proceden dunha cantidade de PCR moito menor debido ao efecto da ponte do venres 19 de marzo. As únicas áreas sanitarias que empeoran hoxe son as de Pontevedra e Vigo, mentres que a situación hospitalaria mellora. As áreas sanitarias máis afectadas seguen sendo A Coruña e Vigo. A área herculina resta 39 infectados e baixa ata 959, con só 29 contaxios, mentres que a de Vigo volve empeorar e chega ata os 500 activos, con 49 infectados máis que o luns pasado. Estes son os datos máis relevantes de hoxe: Os contaxios novos baixan respecto a onte (de 107 a 103) e están por baixo dos 112 do luns pasado. Este descenso de 9 contaxios nunha semana supón un 8% menos. Os casos activos han descendido de 2.519 a 2.481, unha baixada de 38 infectados menos, que supoñen un descenso do 1,5%. Descenden en 2 persoas os hospitalizados e a diferenza coa semana pasada é de 61 persoas. A incidencia a 14 días sobe de 78 a 79, menos dunha oitava parte do máximo de 769 do domingo 31 de xaneiro. A incidencia a 7 días mantense en 36. Hoxe luns son 9 diagnósticos menos que o pasado luns 15 de marzo, procedendo dun número de probas moi inferior. Os 103 casos novos de hoxe son o 3,09% de diagnósticos positivos de 3.330 probas PCR, mentres que os 112 do luns pasado eran o 2,15% de positivos de 5.204 tests. Na web de datos do Sergas di que nas últimas 24 horas confirmáronse 92 casos de COVID-19 por PCR, pero a diferenza entre o total de infectados desde o inicio da pandemia de hoxe (115.862) e o de onte (115.759) é de 103 persoas. Do mesmo xeito, os novos infectados por área sanitaria calcúlanse co mesmo procedemento. Nas últimas 24 horas rexistráronse en Galicia 103 novos casos de SARS- CoV-2, 1 falecemento e 140 altas, o que fai que descendan en 39 persoas os casos de coronavirus, pasando dos 2.519 de onte aos 2.481 de hoxe. O total de hospitalizados baixa en 2 persoas, de 266 a 264 pacientes. O pasado luns eran 325 hospitalizados, 61 máis que hoxe. O total de casos de coronavirus contabilizados polo Sergas desde o inicio da pandemia é de 115.862. Vigo e Pontevedra empeoran Hoxe soamente empeoran dúas área sanitarias, as de Vigo e Pontevedra. A máis afectada é a área da Coruña, con 959 casos activos (-39), seguida de Vigo con 500 (+14), Santiago con 271 (-9), Pontevedra con 208 (+8), Ferrol con 197 (-6), Lugo con 193 (-5), e Ourense con 153 (-1). A Coruña segue sendo a cidade máis afectada de Galicia con 169 novos contaxios por 100.000 habitantes nas últimas dúas semanas. Incidencia nas cidades A Coruña: 169 (-4) Ferrol: 97 (-6) Lugo: 33 (=) Ourense: 29 (=) Pontevedra: 52 (+5) Santiago: 54 (+2) Vigo: 91 (=)

Novos contaxios por área sanitaria A Coruña: 29 Ferrol: 5 Lugo: 3 Ourense: 9 Pontevedra: 12 Santiago: 10 Vigo: 35 Total: 103

O total de falecementos desde o inicio da pandemia alcanza as 2.320 persoas, 1 máis nas últimas 24 horas, e son xa 1.701 desde a nova normalidade, superando os 619 da primeira onda da pandemia. O total de hospitalizados é de 264 (-2), divididos en 49 (-2) na UCI e 215 (=) en unidades de hospitalización. O total de probas PCR realizadas é de 1.802.302, delas 3.330 nas últimas 24 horas, cun 3,09% de positivos. Esta semana empeza algo mellor que a anterior, con 103 contaxios fronte aos 112 do luns pasado. As últimas semanas terminaron con 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.