REMATA A PEOR SEMANA DA PANDEMIA EN GALICIA CON RÉCORD

Galicia: Nova marca de 12.508 casos activos tras 1.244 contagios

Galicia chega a un novo máximo de casos activos cunha cantidade lixeiramente menor de contaxios que onte. Os hospitalizados chegan ao número máximo en nova normalidade.

Termina unha semana de pesadelo para a evolución do coronavirus en Galicia, a peor desde o inicio da pandemia, cunha terceira onda que parece non alcanzar aínda o seu pico. Os 1.244 contaxios de hoxe (1.250 segundo a suma de áreas sanitarias) son menos que os 1.343 de onte, pero aínda así unha cantidade estremecedora, que fai que o número de casos activos chega a un novo máximo.

Hai outras dúas malas noticias que dan que pensar e convidan a seguir a machada consellos como os do doutor Freire da UCI hospital CHUAC da Coruña ou a doutora María da Cámara de Urxencias do mesmo hospital: a primeira, que o número de hospitalizados é o maior en nova normalidade, 655. Non había tantos pacientes de coronavirus desde o 23 de abril, e na chamada segunda onda non chegou a alcanzarse esta cifra. E a segunda, a área sanitaria da Coruña, que xa supera os 3.000 casos activos e hoxe rexistra a friorenta de 360 contagios.

Hoxe domingo son 526 diagnósticos máis que o pasado domingo 10 de xaneiro, procedendo dun número de probas lixeiramente superior. Os 1.244 casos novos de hoxe son o 13,08% de diagnósticos positivos de 9.509 probas PCR, mentres que os 718 do domingo pasado eran o 8,09% de positivos de 8.866 tests.

Na web de datos do Sergas di que nas últimas 24 horas confirmáronse 1.124 casos de COVID-19 por PCR, pero a diferenza entre o total de infectados desde o inicio da pandemia de hoxe (76.262) e o de onte (75.018) é de 1.244 persoas. Do mesmo xeito, os novos contaxios por área sanitaria calculámolos co mesmo procedemento.

Nas últimas 24 horas rexistráronse en Galicia 1.244 novos casos de SARS-CoV-2, 4 falecementos e 398 altas, o que fai que aumenten en 842 persoas os casos de coronavirus, pasando dos 11.666 de onte aos 12.508 de hoxe.

O total de hospitalizados aumenta en 58 persoas, de 597 a 655 pacientes. O pasado domingo eran 421 hospitalizados, 234 menos que hoxe. O total de casos de coronavirus contabilizados polo Sergas desde o inicio da pandemia é de 76.262.

Todas as áreas sanitarias empeoran

O coronavirus descontrolado na Coruña: 360 contaxios e 3.129 casos activos

Coronavirus Ferrol: 84 contaxios novos e soben a 982 os casos activos

Coronavirus Santiago: 177 contaxios novos e novo máximo de 2.245 casos activos

O coronavirus segue complicándose en Vigo: 256 contaxios novos e 2.333 casos activos

Coronavirus Pontevedra: 92 contaxios novos e soben a 983 os casos activos

Coronavirus Lugo: 114 contaxios novos e soben a 1.098 os casos activos

Coronavirus: Ourense xa é a cidade galega máis afectada e a área chega a 1.739 casos

Continúan empeorando todas as áreas sanitarias e algunhas baten marca de casos activos. A máis afectada é a área da Coruña, con 3.129 casos activos (+286), seguida de Vigo con 2.333 (+166), Santiago con 2.245 (+88), Ourense con 1.739 (+134), Lugo con 1.098 (+67), Pontevedra con 983 (+29) e Ferrol con 981 (+72).

Ourense converteuse na cidade galega con maior incidencia ao sumar 49 puntos até os 511. Outra cidade galega, Santiago, supera xa os 500 de incidencia ao chegar a 508.

Incidencia nas cidades

A Coruña: 471 (+51)

Ferrol: 406 (+26)

Lugo: 138 (+12)

Ourense: 511 (+49)

Pontevedra: 247 (+18)

Santiago: 508 (+24)

Vigo: 307 (+24)

Novos contagios por área sanitaria

A Coruña: 360

Ferrol: 84

Lugo: 114

Ourense: 167

Pontevedra: 92

Santiago: 177

Vigo: 256

Suma total: 1.250

O total de falecementos desde o inicio da pandemia alcanza as 1.503 persoas, 4 máis nas últimas 24 horas, e son xa 884 nesta segunda onda, superando os 619 da primeira. O total de hospitalizados é de 655 (+58), divididos en 98 (+7) na UCI e 557 (+51) en unidades de hospitalización. O total de probas PCR realizadas é de 1.241.661, delas 9.509 nas últimas 24 horas, cun 13,08% de positivos.

Termina definitivamente a peor semana desde o inicio da pandemia, coa friorenta de 7.539 contaxios en toda Galicia, 3.072 máis que os 4.467 da semana pasada.