MÁXIMA RESTRICIÓNS EN GALICIA: PECHE DA HOSTELERÍA E CERRE INDIVIDUAL POR CONCELLOS

Toda Galicia pasará a nivel máximo de restricións Covid durante tres semanas O comité clínico decide pechar a hostalería e as actividades non esenciais pecharán ás 18.00 horas, ademais de limitar as reunións a conviventes Toda a comunidade pasará ao nivel máximo de restricións a medianoite do martes 26 ao mércores 27. Así o anunciou a Xunta de Galicia este mediodía. O obxectivo é reducir o número de casos de coronavirus nesta terceira onda. As novas medidas estarán activas, polo menos, ata o 17 de febreiro: "O tempo mínimo para dobregar a curva". Isto supón que as reunións serán só de persoas conviventes e non se poderá abandonar o concello salvo por motivos excepcionais. Limítanse, por tanto, ao mínimo as interaccións. Ademais, a hostalería pecha por completo e só permitirase para recoller ou pedir a domicilio. A actividade non esencial terá un horario máximo ata as 18.00 horas e as fins de semana pecharanse os centros comerciais.

Doutra banda, o deporte deberá ser individual e ao aire libre. Será obrigatorio o uso de máscara para correr ou andar en bicicleta. Os centros deportivos e ximnasios permanecerán pechados e as competicións autonómicas seguirán suspendidas durante tres semanas. Preocupación polos datos de hoxe O comité clínico reuniuse este luns para abordar a entrada en vigor destas novas restricións para evitar o aumento de casos de Covid nesta terceira onda da pandemia. Tras o encontro, o presidente da Xunta de Galicia, Alberto Núñez Feijóo, ofreceu unha rolda de prensa para detallar os acordos. O máximo mandatario autonómico mostrou a súa preocupación coas cifras de hoxe e a proxección de que continúen aumentando nas próximas semanas. "Isto obríganos a aumentar o nivel máximo de protección para tratar de salvar todas as vidas que se poidan", dixo o presidente. Ao longo das últimas semanas incrementáronse as restricións gradualmente en función dos datos de cada territorio. Limitáronse reunións, a hostalería ou o aforo de determinados espazos. Estas medidas non foron suficientes e por iso tomáronse novas.