PONTEVEDRA-SALNÉS SUEGUE IGUAL E CAMBADOS BAIXA O NÚMERO DE ENFERMOS

Coronavirus Pontevedra: 45 contaxios novos e soben a 869 os casos activos Lixeiro aumento de casos activos na área sanitaria, que hoxe suma Bueu e Illa de Arousa á súa lista de municipios confinados. Continúan as malas noticias na área sanitaria de Pontevedra e O Salnés, que hoxe volve empeorar en casos activos e a sumar bastante contaxios, aínda que tres menos que o mesmo día da semana pasada. Onte anunciouse o confinamento doutros dous municipios da área sanitaria: Bueu e A Illa de Arousa. Nas últimas 24 horas producíronse 45 contaxios novos, 1 falecemento e 42 altas, o que fai que suban en 2 os casos activos, pasando de 867 a 869. A incidencia segue subindo na Illa de Arousa e Bueu, recentemente confinadas, e baixa en municipios como O Grove e na área metropolitana pontevedresa. Cambados rebaixa a 33 casos, 5 menos que nos dous días pasados. A Incidencia Acumulada a 7 días é de 116 e 225 a 14 días. O número de pacientes hospitalizados mantense en 52 persoas, distribuídos en 41 pacientes no CHU de Pontevedra (31 en planta e 8 na UCI), 11 no Hospital Público do Salnés e 2 no Quirónsalud de Pontevedra.  

A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 6.220 casos de coronavirus, con 72 falecementos, 5.279 altas e 869 casos activos nestes momentos.