GALICIA CONTINÚA EMPEORANDO

Coronavirus Galicia: 424 contaxios novos e soben a 5.653 os casos activos

Alto número de contaxios en Santiago e Vigo, e a situación global en Galicia continúa empeorando. Coronavirus: A Coruña e Lugo son as cidades menos afectadas de Galicia Terceiro día consecutivo de aumento de casos activos en Galicia debido a un crecemento dos contaxios, 72 máis que o mércores pasado, que superan ás altas. As áreas sanitarias de Vigo e Santiago de Compostela son as que máis contaxios rexistran hoxe, pero esta última é a que máis empeora, e de feito nas últimas horas viu o peche de media ducia dos seus municipios, entre eles a propia Compostela. O número de pacientes hospitalizados, con todo, baixa respecto ao mércores pasado. Hoxe son 72 diagnósticos máis que fai sete días, procedendo de moitas máis probas. Os 424 casos novos de hoxe son o 4,69% de diagnósticos positivos de 9.026 probas PCR, mentres que os 342 do mércores pasado eran o 5,13% de positivos de 6.659 tests. Están a realizarse cribados en varios municipios de Galicia, por iso subiu tanto o número de probas realizadas. Na web de datos do Sergas di que nas últimas 24 horas confirmáronse 380 casos de COVID-19 por PCR, pero a diferenza entre o total de infectados desde o inicio da pandemia de hoxe (57.531) e o de onte (57.107) é de 424 persoas. Do mesmo xeito, os novos contaxios por área sanitaria calculámolos co mesmo procedemento. Nas últimas 24 horas rexistráronse en Galicia 424 novos casos de SARS- CoV-2, 4 falecementos e 365 altas, o que fai que suban en 55 persoas os casos de coronavirus, pasando dos 5.598 de onte aos 5.653 de hoxe. O total de hospitalizados descende en 21 persoas, de 375 a 354 pacientes. O pasado mércores eran 375 hospitalizados, 21 máis que hoxe. O total de casos de coronavirus contabilizados polo Sergas desde o inicio da pandemia é de 57.531. Só A Coruña e Lugo melloran Coronavirus A Coruña: 45 contaxios novos e baixan a 907 os casos activos Coronavirus Ferrol: 34 contaxios novos e soben a 570 os casos activos Coronavirus Santiago: 118 contaxios novos e soben a 1.054 os casos activos Coronavirus Vigo: 121 contaxios novos e soben a 1.343 os casos activos Coronavirus Pontevedra: 45 contaxios novos e soben a 869 os casos activos Coronavirus Lugo: 33 contaxios novos e baixan a 462 os casos activos Coronavirus Ourense: 28 contaxios novos e soben a 448 os casos activos. Cinco das sete áreas sanitarias empeoran hoxe os seus datos e só as área da Coruña e Lugo mellóranos. A máis afectada continúa sendo Vigo con 1.343 casos activos (+14), seguida de Santiago con 1.054 (+49), A Coruña con 907 (-22), Pontevedra con 869 (+2), Ferrol con 570 (+8), Lugo con 462 (-8) e Ourense con 448 (+12). Hoxe Vigo e Santiago son as áreas que máis contaxios suman e xuntas supoñen máis da metade dos casos de toda Galicia. Novos contaxios por área sanitaria A Coruña: 45 Ferrol: 34 Lugo: 33 Ourense: 28 Pontevedra: 45 Santiago: 118 Vigo: 121 Total: 424 O total de falecementos desde o inicio da pandemia alcanza as 1.323 persoas, 4 máis nas últimas 24 horas, e son xa 704 nesta segunda onda, superando os 619 da primeira. O total de hospitalizados é de 354 (-21), divididos en 53 (-3) na UCI e 301 (-18) en unidades de hospitalización. O total de probas PCR realizadas é de 1.008.260, delas 9.026 nas últimas 24 horas, cun 4,69% de positivos. Esta semana continúa avanzando con peores rexistros que a anterior. Sumando os tres primeiros días producíronse 1.070 novos contaxios, en comparación cos 878 da semana pasada a estas alturas. Son 192 contaxios máis de luns a mércores.