MELLORA IMPORTANTE EN CAMBADOS E NA ÁREA PONTEVEDRA-SALNÉS

Coronavirus Pontevedra: 27 contaxios novos e baixan a 1.065 os casos activos

Gran mellora na área Pontevedra e O Salnés, que ten 135 casos menos que o venres pasado. A área sanitaria de Pontevedra e O Salnés continúa mellorando e baixando en casos activos, e hoxe faio notablemente, cambiando de centena e volvendo aos niveis que tiña o 2 de novembro. A área pontevedresa ten 135 casos activos menos que o venres pasado e 12 pacientes de COVID-19 menos nos seus hospitais. Nas últimas 24 horas producíronse 27 contaxios novos, 2 falecementos e 66 altas, o que fai que baixen en 41 persoas os casos activos, pasando dos 1.106 de onte a 1.065 hoxe. Xa pasou o momento crítico da Lama e xa volveu a unha baixa incidencia. Pontevedra e a súa área metropolitana e o sur do Salnés mantéñense con datos moi altos. Cambados conta nestes momentos con 55 enfermos activos, baixando 5 con respecto a onte e 248 contactos en seguimento. O número de pacientes hospitalizados baixa de 52 a 50 persoas, distribuídos en 43 pacientes no CHU de Pontevedra (34 en planta e 9 na UCI), 2 no Hospital Público do Salnés e 5 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 5.630 casos de coronavirus, con 59 falecementos, 4.506 altas e 1.065 casos activos nestes momentos.