MELLORA GALICIA E TAMÉN PONTEVEDRA-SALNÉS

Novo día de noticias positivas sobre a evolución da pandemia de coronavirus en Galicia. Hoxe aumentan os contaxios respecto a os anteriores días, pero son moitos menos que os do mércores pasado (369 fronte a 531), procedentes dun número similar de probas PCR. Baixan de novo os casos activos, tanto a nivel global como en todas as áreas sanitarias, e prodúcese un notable descenso de 30 no número de hospitalizados. Hoxe hai xusto 100 hospitalizados menos que hai unha semana. Os 369 diagnósticos de hoxe supoñen o 5,64% de positivos de 6.535 probas PCR, mentres que os 531 do mércores pasado eran o 7,88% de positivos de 6.731 tests. A incidencia da comunidade continúa descendendo. Na web de datos do Sergas di que nas últimas 24 horas confirmáronse 328 de COVID-19 por PCR, pero a diferenza entre o total de infectados desde o inicio da pandemia de hoxe (52.844) e o de onte (52.475) é de 369 persoas. Do mesmo xeito, os novos contaxios que indicamos por área sanitaria calculámolos co mesmo procedemento. Nas últimas 24 horas rexistráronse en Galicia 369 novos casos de SARS- CoV-2, 10 falecementos e 468 altas, o que fai que baixen en 109 persoas os casos de coronavirus, pasando dos 7.656 de onte aos 7.537 de hoxe. O total de hospitalizados baixa en 30 persoas, de 461 a 431 pacientes e continúa a tendencia á baixa. O pasado mércores eran 531 hospitalizados, 100 máis que hoxe. O total de casos de coronavirus contabilizados polo Sergas desde o inicio da pandemia é de 52.844. Todas as áreas sanitarias melloran Coronavirus A Coruña: 68 contaxios novos e baixan a 1.575 os casos activos Coronavirus Ferrol: 28 contaxios novos e baixan a 675 os casos activos Coronavirus Santiago: 58 contaxios novos e baixan a 834 os activos Coronavirus Vigo: 113 contaxios novos e baixan a 1.984 os casos activos Coronavirus Pontevedra: 42 contaxios novos e baixan a 1.122 os casos activos Coronavirus Lugo: 40 contaxios novos e baixan a 911 os casos activos Coronavirus Ourense: 19 contaxios novos e baixan a 436 os casos activos Todas as áreas sanitarias descenden hoxe en número de casos. Vigo é a máis afectada aínda e ten 1.984 activos (-9), seguida da Coruña con 1.575 (-31), Pontevedra con 1.122 (-15), Lugo con 911 (-24), Santiago con 834 (-11), Ferrol con 675 (-6) e Ourense con 436 (-13). Novos contaxios por áreas sanitarias A Coruña: 68 Ferrol: 28 Lugo: 40 Ourense: 19 Pontevedra: 42 Santiago: 58 Vigo: 113 Total: 369 O total de mortes desde o inicio da pandemia é de 1.221, 10 delas nas últimas 24 horas, e o total de falecementos nesta segunda onda é de 602. O total de hospitalizados nestes momentos é de 431, 67 deles na UCI e 364 en unidades de hospitalización. O total de probas PCR é de 911.063, delas 6.535 nas últimas 24 horas, cunha positividade do 5,64%. Esta semana continúa avanzando mellor que a anterior, con 891 casos novos sumando os do luns, martes e mércores, unha cifra inferior aos 1.204 rexistrados os tres primeiros días da semana anterior.

A área pontevedresa segue mellorando e afastándose dos 1.200 casos. Continúa a súa liña de mellora a área sanitaria de Pontevedra e O Salnés, que hoxe volve descender en casos activos e a afastarse dos 1.200 nos que estivo instalado tantos días. Nestes momentos hai 96 casos activos menos que hai xusto unha semana. Nas últimas 24 horas producíronse 42 contaxios novos e 57 altas, o que fai que baixen en 15 persoas os casos activos, pasando dos 1.137 de onte a 1.122 hoxe. A incidencia da área sanitaria vai descendendo e só mantéñense dous municipios cunha alta cifra: A Lama e Vilaboa, o segundo en confinamento perimetral e o primeiro "en estudo", segundo a Xunta. O número de pacientes hospitalizados baixa de 62 a 58 persoas, distribuídos en 49 pacientes no CHU de Pontevedra (41 en planta e 8 na UCI), 4 no Hospital Público do Salnés e 5 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 5.561 casos de coronavirus, con 56 falecementos, 4.383 altas e 1.122 casos activos nestes momentos.