DESPOIS DE 11 DÍAS PONTEVEDRA-SALNÉS VOLVE A AUMENTAR OS ENFERMOS ACTIVOS

Coronavirus Pontevedra: 64 contaxios novos e soben a 851 os casos activos

A área sanitaria de Pontevedra e O Salnés volve empeorar tras 11 días seguidos descendendo en casos activos. Cortouse a boa serie que levaba a área sanitaria de Pontevedra e O Salnés, que baixara en casos activos once días seguidos, desde os 1.156 do 30 de novembro ata os 839 de onte. Hoxe volven aumentar debido ao alto número de contaxios rexistrado -64-, a maior cifra desde os 71 do 24 de novembro.
Nas últimas 24 horas producíronse 64 contaxios novos, 1 falecemento e 51 altas, o que fai que suban en 12 persoas os casos activos, pasando dos 839 de onte a 851 hoxe. A área sanitaria pontevedresa segue mellorando aos poucos os seus datos de incidencia, aínda que hoxe aumenta tanto en Pontevedra como nos seus concellos máis próximos. O Grove e Sanxenxo seguen sendo os municipios que máis incidencia teñen entre os que están confinados. 

Cambados aumenta 1 un caso é chega a os 36 activos. O número de pacientes hospitalizados baixa de 52 a 48 persoas, distribuídos en 39 pacientes no CHU de Pontevedra (30 en planta e 9 na UCI), 6 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 5.972 casos de coronavirus, con 69 falecementos, 5.052 altas e 851 casos activos nestes momentos.