A CAMBADESA ESTHER DAPORTA PREMIO MULLER E VIÑO

O Consello Regulador entregará o “Premio Muller e Viño” a Esther Daporta e o de “Mellor Labor de Comunicación” a Francisco Gil.

O Consello Regulador da Denominación de Orixe Ribeiro outorga a Esther Daporta o "Premio Muller e Viño" e ao xornalista Francisco Gil, do programa Cousas para comer, o "Premio ao Mellor Labor de Comunicación", na novena edición dos seus galardóns. Os Premios da D.O. Ribeiro celebraranse o venres 18 de decembro, ás 10.30 horas, no Palacio de Congresos e Exposicións de Galicia, no que supoñerá un gran aperitivo para o Nadal. Será unha gala distinta e híbrida, con asistencia limitada ao recinto pero aberta a todos os amigos da Denominación máis antiga de Galicia a través das súas canles de comunicación. Esther Daporta, "Premio Muller e Viño" Esther Daporta recibe o "Premio Muller e Viño" nesta edición de 2020. A catadora do restaurante Yayo Daporta desde 2005 é unha profesional moi dinámica á que lle gusta seguir aprendendo percorrendo adegas e restaurantes de toda Europa; para dar así o mellor servizo aos clientes dun restaurante que é parada obrigatoria en Cambados, recoñecido cunha estrela Michelin ou dous soles Repsol.