VILAGARCÍA BAIXA A ALERTA LARANXA, CAMBADOS BAIXA OS ACTIVOS

Coronavirus Pontevedra: Vilagarcía baixa a alerta laranxa, 50 contaxios e baixan os activos

Volve mellorar a área sanitaria de Pontevedra e O Salnés, e Vilagarcía de Arousa deixa a alerta vermella por primeira vez en semanas. Volve mellorar a área sanitaria de Pontevedra e O Salnés, rexistrando ademais una das cifras de contaxios máis baixas das últimas semanas. Hoxe a boa noticia é que Vilagarcía de Arousa deixa o estado de alerta vermella tras semanas no mesmo. Nas últimas 24 horas producíronse 50 contaxios novos e 60 altas, o que fai que baixen en 10 persoas os casos activos, pasando dos 1.277 de onte a 1.267 hoxe. Só un cambio: Vilagarcía de Arousa baixa a alerta laranxa. Alerta nivel 3 (vermella): Cambados (65 activos, 3 menos), Marín, Poio, Pontevedra, Sanxenxo. Alerta nivel 2 (laranxa): Caldas de Reis, Meis, O Grove, Ribadumia, Soutomaior e Vilagarcía de Arousa. Alerta nivel 1 (amarela): A Lama, Bueu, Cuntis, Meaño, Vilaboa e Vilanova de Arousa. O número de pacientes hospitalizados baixa de 74 a 68 persoas, distribuídos en 49 pacientes no CHU de Pontevedra (42 en planta e 7 na UCI), 15 no Hospital Público do Salnés e 4 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.483 casos de coronavirus, con 42 falecementos, 3.174 altas e 1.267 casos activos nestes momentos.