CRECEN AS HOSPITALIZACIÓNS EN PONTEVEDRA-SALNÉS

Coronavirus Pontevedra: 108 contaxios novos e soben a 1.049 os casos activos Supéranse os 100 contaxios por segundo día consecutivo e por primeira vez sóbese dos 1.000 casos.
Continúa empeorando a área sanitaria de Pontevedra e O Salnés, e por segundo día consecutivo rexistra máis de 100 casos novos. Ademais, o total de casos activos supera por primeira vez os 1.000 nesta área sanitaria, marcando un novo máximo. Marín, Poio e Pontevedra estarán con restricións como mínimo ata o martes. Nas últimas 24 horas producíronse 108 contaxios novos, 1 falecemento e 52 altas, o que fai que suban en 55 persoas os casos activos, pasando dos 994 de onte a 1.049 hoxe. O único cambio nos niveis de alerta da área pontevedresa é que Cuntis e Vilaboa soben ao estado de alerta laranxa. Alerta nivel 3 (vermella): Cambados (45 casos activos, 2 máis que onte) , Marín, O Grove, Poio, Pontevedra, Ribadumia e Vilagarcía de Arousa. Alerta nivel 2 (laranxa): Caldas de Reis, Cuntis, Cerdedo-Cotobade e Vilaboa. Alerta nivel 1 (amarela): Bueu, Ponte Caldelas, Sanxenxo, e Vilanova de Arousa. O número de pacientes hospitalizados sobe de 64 a 67 persoas, distribuídos en 55 pacientes no CHU de Pontevedra (49 en planta e 6 na UCI), 11 no Hospital Público do Salnés e 1 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 3.600 casos de coronavirus, con 32 falecementos, 2.519 altas e 1.049 casos activos nestes momentos.