CAMBADOS VOLTA A ALERTA VERMELLA E EMPEORA TODA ÁREA PONTEVEDRA-SALNÉS

Coronavirus Pontevedra: Cambados en alerta vermella, 64 contaxios e soben a 1.270 os activos

O Grove e Soutomaior baixan a alerta laranxa e a área sanitaria empeora lixeiramente. Volve empeorar a área sanitaria de Pontevedra e O Salnés debido a que se producen máis contaxios que altas, aínda que o número de casos novos é similar ao dos últimos días. Hoxe un municipio, Cambados, volve ao estado de alerta vermella, pero dous -O Grove e Soutomaior- abandónano. Nas últimas 24 horas producíronse 64 contagios novos, 1 falecemento e 43 altas, o que fai que suban en 20 persoas os casos activos, pasando dos 1.250 de onte a 1.270 hoxe. Cambados sobe a alerta vermella, O Grove e Soutomaior baixan a alerta laranxa, Meaño sobe a alerta amarela, Alerta nivel 3 (vermella): Cambados (65 casos, +2), Marín, Poio, Pontevedra, Ribadumia, Sanxenxo e Vilagarcía de Arousa. Alerta nivel 2 (laranxa): Caldas de Reis, O Grove e Soutomaior. Alerta nivel 1 (amarela): A Lama, Bueu, Cuntis, Meaño, Meis e Vilaboa. O número de pacientes hospitalizados baixa de 86 a 83 persoas, distribuídos en 67 pacientes no CHU de Pontevedra (58 en planta e 5 na UCI), 17 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.366 casos de coronavirus, con 41 falecementos, 3.055 altas e 1.270 casos activos nestes momentos.