Coronavirus Pontevedra: 38 contaxios novos e soben a 481 os casos activos Soben en 6 persoas os casos activos e os hospitalizados, e Poio deixa de estar en alerta vermella. Continúa empeorando a área sanitaria de Pontevedra e O Salnés por cuarto día consecutivo, aínda que Poio baixa de alerta vermella a alerta laranxa. Nas últimas 24 horas volvéronse a producir 38 contaxios, e tamén 1 falecemento e 31 altas, o que fixo que o número de casos activos ascenda en 6 persoas e pase das 475 de onte a 481 hoxe. O cambio máis rechamante de hoxe nos municipios da área en estado de alarma é que Poio deixa de estar en alerta vermella -só estívoo un día-, Marín volve a alerta laranxa e Cambados sobe a alerta amarela. Alerta nivel 3 (vermella): Vilagarcía de Arousa. Alerta nivel 2 (laranxa): Marín, Poio, Pontevedra, Vilanova de Arousa. Alerta nivel 1 (amarela): Cambados, Sanxenxo e Vilaboa. O número de pacientes hospitalizados sobe de 22 a 24 persoas, distribuídos en 17 persoas no CHU de Pontevedra (15 en planta e 4 na UCI), 1 no Quirónsalud e 4 no Hospital Público do Salnés.
A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 2.689 casos de coronavirus, con 27 falecementos, (a última unha muller de 73 anos de Cuntis, notificada onte), 2.181 altas e 481 casos activos nestes momentos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.