CAMBADOS PASA A ALERTA LARANXA TRALO BROTE DO ASILO

Segue empeorando a área sanitaria pontevedresa e mantéñense catro municipios en alerta vermella.

Coronavirus Galicia: 613 contaxios novos e soben os casos activos a 6.766 A área sanitaria de Pontevedra e O Salnés continúa empeorando a súa situación e achegándose ao máximo de 834 casos activos que marcou o 26 de setembro. Nas últimas 24 horas producíronse 61 contaxios novos, 1 falecemento e 16 altas, o que fai que suban en 44 persoas os casos activos, pasando dos 639 de onte a 683 hoxe. O único cambio hoxe nos niveis de alerta da área sanitaria pontevedresa é que Cambados sobe a alerta laranxa. Alerta nivel 3 (vermella): Marín, Poio, Pontevedra e Vilagarcía de Arousa. Alerta nivel 2 (laranxa): Cambados (24 casos, +3) e Cuntis. Alerta nivel 1 (amarela): Caldas de Reis, Cerdedo-Cotobade, Sanxenxo, Vilaboa e Vilanova de Arousa. O número de pacientes hospitalizados baixa de 48 a 47 persoas, distribuídos en 42 pacientes no CHU de Pontevedra (34 en planta e 7 na UCI), 4 no Hospital Público do Salnés e 2 no Quirónsalud de Pontevedra. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo.

Desde o inicio da pandemia tivo 3.035 casos de coronavirus, con 29 falecementos, 2.323 altas e 683 casos activos nestes momentos.