O CONCELLO DE CAMBADOS ACTIVA O PROTOCOLO DE PREVENCIÓN ANTE POSITIVO EN COVID-19 DUN TRABALLADOR

O Concello activou o protocolo de prevención de COVID-19 coa empresa de prevención de riscos laborais ante o positivo dun traballador municipal. O traballador deu positivo tras manter contacto cunha persoa enferma allea ao concello, motivo polo que o goberno local ofreceulles aos traballadores municipais que tiveron contacto directo con ese empregado a posibilidades de facer probas diagnósticas con cargo ao Concello, ademais de desinfectar as oficinas municipais.

Segundo informou o traballador municipal atópase actualmente illado no seu domicilio, seguindo as recomendacións de Sanidade, xa que se contaxiou despois de manter contacto cunha persoa que deu positivo que é totalmente allea ao Concello de Cambados. 

Despois de que esa persoa fora diagnosticada, tras realizarlle unha proba PCR o pasado xoves, o traballador municipal deu positivo e comezou o período de illamento no fogar, con síntomas leves.

Tendo en conta que na casa consistorial de Cambados se respectan as medidas de distanciamento social e as recomendacións para evitar a propagación do coronavirus, dende Sanidade consideraron necesario facer as probas diagnósticas unicamente os traballadores e traballadoras municipais que tiveron contacto directo con el durante este fin de semana, dando o resto de traballadores municipais negativo nos resultados das probas PCR. Non obstante, os traballadores que mantiveron contacto directo co traballador que deu positivo van a teletraballar os vindeiros días.

Dende o goberno local recordan que nestes momentos é preciso manter a calma e extremas as medidas de seguridade e hixiene:

• Uso obrigatorio da máscara
• Hixiene continua de mans
• Manter a distancia social e evitar as reunións multitudinarias

E, recorden, se senten síntomas compatibles coa Covid-19 (febre, tose seca, malestar xeral, dificultade para respirar), non vaian directamente ao centro de saúde, deben chamar ao 900 400 116.