A Consellería de Sanidade notificou o falecemento nas últimas horas en Pontevedra dun home de 79 con COVID-19, o que eleva a 652 as vítimas mortais da pandemia en Galicia. En concreto, trátase dun paciente ingresado no Hospital Montecelo de Pontevedra, de 79 anos e que presentaba patoloxías previas. Trátase do segundo falecemento comunicado este xoves, dado que Sanidade informou no parte da mañá da morte dunha persoa usuaria da residencia Orpea de Culleredo (A Coruña), un home de 88 anos tamén con patoloxías previas.
A noticia do seu falecemento reduce a nove o número de pacientes ingresados nos hospitais pontevedreses. Este xoves a área sanitaria contabilizaba pola mañá oito ingresados en planta de hospitalización do Complexo Hospitalario Universitario de Pontevedra e dous na unidade de Coidados Críticos do Hospital Montecelo, pero un destes últimos foi o que faleceu.
Pasaron case tres semanas desde o último falecemento por coronavirus na área sanitaria. O sábado 15 de agosto faleceu un home de 69 anos que estaba ingresado en Pneumoloxía do Hospital Montecelo e que dera inicialmente resultado negativo na proba PCR. Cando xa levaba oito días ingresado, deu positivo.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.