Nas últimas 24 horas confirmáronse 24 novos positivos na área sanitaria Pontevedra-Salnés, aínda que en realidade tan só hai 21 casos activos máis porque hai que contabilizar tres pacientes que se curaron na mesma xornada.
Con estes novos enfermos chégase a un total de 271 casos activos de coronavirus.
O dato, facilitado polo Servizo Galego de Saúde, significa un novo incremento da incidencia da enfermidade, que se mantén desde hai semanas xa en niveis de antes do verán.
Volve aumentar o número de pacientes nos hospitais, que chega xa a 10. A día de hoxe hai oito ingresados en planta de hospitalización do Complexo Hospitalario Universitario de Pontevedra (dous máis que onte). Outros dous pacientes permanecen na unidade de Coidados Críticos do Hospital Montecelo, os mesmos que o mércores.
Polo que os 261 casos activos restantes permanecen confinados nos seus domicilios, baixo supervisión médica.
Desde o inicio do plan de continxencia da Covid-19 curaron 1.003 pacientes, tres na última xornada, e faleceron por este virus na área sanitaria 17 pacientes.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.