ABERTO O PRAZO PARA SOLICITAR O CONTROVERTIDO BONO TURÍSTICO DE FEIJÓO

A Xunta abre o prazo de solicitude do Bono Turístico, unha acción impulsada a iniciativa do Clúster Turismo de Galicia, dotada con 5M€ que busca inxectar liquidez nas empresas desta industria, fomentar o turismo interno, incentivar o consumo e impulsar a recuperación da economía e do tecido empresarial da Comunidade ante a crise da covid-19. Tal e como recolle o Diario Oficial de Galicia (DOG), os interesados poderán presentar a súa solicitude de xeito voluntario na sede electrónica a partir de mañá e ata o 30 de novembro e a súa concesión realizarase por orde de inscrición ata esgotar o crédito correspondente.

O Consello Galego de Colexios Médicos expresou tamén o seu "máis rotundo rexeitamento" por unha proposta que considera "singular", " frívola", "pouco seria" e "improvisada". Tamén comunicaron o seu desacordo, en similares termos, o sindicato médicos CESM e a Asociación Galega de Medicina Familiar e Comunitaria ( Agamfec).

O Colexio Oficial de Traballo Social de Galicia, do mesmo xeito que varios colectivos médicos antes, rexeitou o bono de 250 euros que anunciara o presidente galego, Alberto Núñez Feijóo, para o uso en hoteis e restaurantes por parte de sanitarios e outros profesionais que loitaron contra o coronavirus. Si apoia a medida o Agrupación Industrial Turismo de Galicia. Con todo, os traballadores sociais han advertido que o seu "código deontolóxico" e a "ética" impídenlles "aceptar esta estraña compensación" por facer o seu traballo.

Así pois, a iniciativa chegará a preto de 20.000 empregados dos sectores sanitario e sociosanitario que traballaron en primeira liña na loita contra a covid-19. Todos aqueles que resulten beneficiarios recibirán unha tarxeta prepago de Abanca con 250€, de carácter nominativo, que poderá ser utilizada nos establecementos ou produtos turísticos adheridos a este programa ata o 13 de decembro, co obxectivo de favorecer a recuperación e reactivación do sector turístico de xeito inmediato e ata finais de 2020.

Cando a persoa solicitante resulte beneficiaria do Bono Turístico e unha vez que Abanca reciba a confirmación dos adxudicatarios, procederá á estampación da tarxeta e xestión do seu envío nun prazo máximo de sete días hábiles. Con todo, a entidade bancaria habilitará un teléfono de soporte operativo no que proporcionarán información adicional sobre condicións operativas da tarxeta e axuda en caso de perda ou roubo.