NON HAI MELLORÍA NA ÁREA PONTEVEDRA-SALNÉS

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 349, deles 109 son da área da Coruña, 19 da de Lugo, 26 da de Ourense, 8 da de Pontevedra, 142 da área de Vigo, 33 da de Santiago, e 12 da de Ferrol.

Do total de pacientes positivos, 8 están en unidades de hospitalización e 341 no domicilio. Non hai pacientes positivos en UCI. Polo de agora, en Galicia hai un total de 10.491 persoas curadas, rexistrándose 619 falecementos.

O número de PCR realizadas é de 159.799.

O número de casos de coronavirus detectados en centros residenciais de servizos sociais de Galicia supoñen o 0,02% do total das persoas residentes.

Na xornada de onte non se rexistraron falecementos en centros residenciais.
Os datos de centros residenciais de servizos sociais corresponden aos que achegan con carácter diario os propios centros.

Por quinto día consecutivo a área Pontevedra-O Salnés rexistra o mesmo número de afectados activo por coronavirus, con 8 casos.

Na actualización diaria de hoxe martes, a Consellería de Sanidade indica un estancamento  onde con respecto non se produciron variacións nin no que respecta a altas epidemiolóxicas nin tampouco a novos contaxios, desde onte sendo o sexto día consecutivo sen que se reporten novos test positivos.

Desta forma, sen pacientes con positivo activo ingresados nos centros hospitalarios, todos os afectados evolucionan nos seus domicilios.

Desde o inicio da pandemia curáronse na área sanitaria 891 afectados de  Covid-19, e producíronse 16 falecementos asociados co virus.