MOI PRONTO PODEREMOS REUNIRNOS CON AMIGOS E FAMILIARES

O Goberno pon data ás reunións de ata 10 persoas en casa O Goberno permitirá reunións de grupos de ata 10 persoas en domicilios ou ao aire libre na fase 1 da desescalada, segundo avanzaron fontes da Moncloa este sábado. As illas canarias da Gomera, El Hierro e La Graciosa e a balear Formentera entran directamente en tal fase o vindeiro luns 4 de maio, pero o resto de provincias do Estado farano o día 11. Aínda que nun principio o presidente do Goberno, Pedro Sánchez, apuntou que as reunións se darían nas terrazas de bares e restaurantes, Moncloa confirma agora que os cidadáns poderán xuntarse nas súas casas con familiares, amigos ou veciños, mantendo por suposto a distancia de seguridade en todo momento e todas as medidas de hixiene recomendadas por Sanidade. Máscara obrigatoria no transporte público O presidente do Goberno, Pedro Sánchez, anunciou este sábado que o uso de máscaras será obrigatorio no transporte público a partir do próximo luns, 4 de maio, cando se inicie a fase 0 da desescalada. Ademais, Sánchez, anunciou que pedirá a o mércores ao Congreso a aprobación dunha nova prórroga do estado de alarma, a cuarta, doutros 15 días. «Sabemos agora que o estado de alarma funcionou e sabemos que segue sendo necesario», afirmou Sánchez, nunha comparecencia en Moncloa.