A área sanitaria de Pontevedra e o Salnés rexistrou nas últimas horas un novo falecemento por coronavirus. Trátase dun home de 80 anos que estaba ingresado no Hospital Montecelo con patoloxías previas.
Aumentan en 1 os casos de pacientes enfermos de coronavirus na área sanitaria de Pontevedra e O Salnés polo que a día de hoxe hai 482 casos activos. No Hospital Montecelo están ingresadas 40(-4) persoas, 5 (2 máis que onte) no do Salnés e 1(igual) no Quirón Domínguez de Pontevedra. Do total de ingresados, 15 pacientes están nas UCI´s, superando en 2 o número que o día de onte. Recupéranse nos seus domicilios un total de 421 casos confirmados, o que supón un menos respecto a onte.
O número de altas médicas dadas nas últimas 24 horas é de 2, mesmo númeroque onte, ata chegar a un total 112 dende o inicio da pandemia. O número de falecidos aumenta a 12, tendencia que se rompeu esta noite tras varios días sen falecementos.
O número total de contaxiados na área é de 606 tras sumar enfermos actuais, altas e falecementos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.