ASESORES, XESTORES E CONTABLES PIDEN FLEXIBILIZACIÓN AO GOBERNO

En defensa do colectivo, notifican ao Goberno, que nas condicións actuais non poden presentar correctamente as liquidacións dos seus clientes-contribuíntes. Os Asesores Fiscais insisten na necesidade de ampliación de prazos para presentar os impostos en nome dos autónomos, pemes e declarantes do IRPF. Na situación que estamos a vivir non se cumpren as condicións necesarias para facer o seu traballo coas mínimas garantías de responsabilidade e seguridade. Polo tanto esixen á Administración Tributaria o cumprimento cooperativo das obrigacións tributarias na colaboración social na aplicación dos tributos, tal e como establecen os artigos 92 e 93 da LXT.