O GOBERNO ORDENA O CONFINAMENTO NA CASA DOS CIDADÁNS

O Estado de Alarma xa é un feito. Como medida de prevención, o Goberno limitou a libre circulación dos cidadáns en toda España, polo que o confinamento en casa será de obrigatoriedade en caso de non ter un motivo polo que saír á rúa. É dicir, sempre que non se estea acudindo ao supermercado para comprar produtos de primeira necesidade ou acudindo ao traballo (en caso que a empresa así o crea necesario) será unha obrigación quedarse na casa. Tamén se poderá saír do domicilio para comprar produtos farmacéuticos.

O Goberno limitou a libre circulación dos cidadáns en toda España a partires do luns as 8 da mañán, como medida para frear a expansión do coronavirus. Así se reflicte no decreto que aprobou este sábado o Consello de Ministros extraordinario, que só permite os movementos en determinados casos concretos. En concreto, o decreto establece que as persoas só poderán circular "polas vías de uso público" en oito supostos, entre os que se atopa a adquisición de alimentos, produtos farmacéuticos e de primeira necesidade. Así mesmo, permítese saír á rúa para asistir a centros sanitarios, para desprazarse ao lugar de traballo para efectuar a súa prestación laboral, profesional ou empresarial, ou para volver ao lugar de residencia habitual. Tamén se permite saír para a asistencia e coidado a maiores, menores, dependentes, persoas con discapacidade ou persoas especialmente vulnerable, para acudir a entidades financeiras, "por causa de forza maior ou situación de necesidade", ou para "calquera outra actividade de análoga natureza debidamente xustificada.

Cifras totais: 5.867 casos diagnosticados
• 2.940 en Madrid (133 mortos)
• 522 en    País Vasco (19 mortos)
• 509 en    Cataluña (6 mortos)
• 278 en    La Rioja (2 mortos)
• 269 en    Andalucía (3 muertos)
• 289 en    Castilla-La Mancha (5 mortos)
• 223 en    Castilla y León (3 mortos)
• 146 en    Navarra
• 101 en    Asturias (1 morto)
• 130 na    Comunidad Valenciana (3 mortos)
• 115 en    Galicia (1 morto)
• 80 en      Aragón (7 mortos)
• 90 en      Canarias (1 morto)
• 66 en      Extremadura (1 morto)
• 47 en      Murcia
• 30 en      Baleares (1 morto)
• 31 en      Cantabria
• 3 en        Melilla
• 
  
• Producíronse un total de 193 altas
Fonte: Ministerio de Sanidad y consejerías autonómicas