"QUE SORTE TEÑEN OS GALEGOS DE TER UN GRAN PRESIDENTE!"

Díez, con barba á dereita pegado a Feijóo, nun acto do PP galego

"Que sorte teñen os Galegos de ter un gran presidente!". A rede de perfís falsos de Twitter tamén fixo propaganda a favor de Feijóo. A rede fraudulenta tombada por Twitter aproveitouse da conta real do presidente do presidente da Xunta e doutros cargos do PP galego, axudándolles ao mesmo tempo a gañar relevancia. Ata en 74 ocasións en só cinco días os perfís fraudulentos citaron a @ FeijooGalicia con mensaxes laudatorios. Na moitas destas 74 ocasións, os perfís falsos nomearon á conta de Alberto Nuñez Feijóo xunto á do candidato Pablo Casado, Marta González Vázquez (a coruñesa hoxe deputada e por entón portavoz do PP estatal) e Agustín Hernández (o por entón líder do PP en Santiago de Compostela e hoxe presidente do Consello Consultivo). Segundo desvelou na primavera o grupo de investigadores universitarios Heurística e fíxose eco Eldiario.es, a rede falsa estaría vinculada a David Díez Nieto. Fuentes do PP da Coruña confirmaron hoxe a Galiciapress que Nieto segue sendo secretario de Redes Sociais do PP da Coruña, aínda que o seu nome non figura na relación oficial. Comparte pois directiva provincial con González e ata hai un mes con Hernández.
Galiciapress ofreceu a Nieto, ao PP da Coruña e ao PP de Galicia a posibilidade de dar a súa opinión sobre esta polémica. Ningún dos tres quixo, por agora, achegar o seu punto de vista. Como se sabía, a mentireira arquitectura aumentou a popularidade de contidos a favor de Casado. David Díez estaba por entón traballando en Madrid para a campaña do líder estatal.

Agora ben, os perfís falaces aproveitaron para enxalzar o labor de Alberto Nuñez Feijóo mediante numerosas mensaxes, por exemplo

Dos 259 perfís que Twitter identifica como membros da rede, polo menos cinco descríbense nos seus perfís como persoas relacionadas con Galicia, tres de llos din ser votantes ou militantes do PP de Galicia. Twitter non publicou as identidades dos perfís falsos, pero si todas as descricións deses perfís e os tweets da rede, que cesou a súa actividade despois de ser identificada publicamente polos investigadores universitarios. Os perfís e os tweets pódense descargar en varias follas de datos desde a páxina oficial de Twitter. As mensaxes que citan a Feijóo publicáronse desde o 30 de marzo ata o 4 de abril, durante a campaña das xerais, días despois de que a súa existencia saltase aos medios. O xigante das redes sociais describiu así o sucedido con esta rede: