PULSEIRA IDENTIFICATIVA PARA NEN@S PARA EVITAR SUSTOS DURANTE A FESTA DO ALBARIÑO

Pulseira identificativa para os máis pequenos

A mención á seguridade é unha das que máis se repite cando se fala da vindeira Festa do Albariño. Nesta liña, o Concello de Cambados e Zona Centro presentaron tamén hoxe unha pulseira identificativa para nenos onde os seus pais poderán incluír o nome do pequeno xunto ao número de teléfono ao que se debería chamar no caso de que o menor se perdera.

Estas pulseiras, distribuiranse a través do Concello durante a propia festa, na Oficina de Turismo, no Punto Morado e na propia Policía Local. Para recollelas o adulto responsable deberá acudir a calquera destes tres puntos acompañado polo seu fillo ou filla e solicitalas alí mesmo.