OS CONCERTOS SON&SAL VOLVEN A CAMBADOS DA MAN DA ADEGA PACO&LOLA

Paco & Lola lanza a súa IV edición dos concertos Son & Sal nunha presentación que terá lugar na Fundación Manolo Paz Volven os concertos ás noites de verán dos venres. O porto de Cambados, Ciudad Europea do Viño en 2017 e capital do Albariño, acolle a cuarta Edición do Ciclo de Concertos Son & Sal Trátase dun ciclo de catro concertos a bordo dun dos barcos que sucan a Ría de Arousa. Catro concertos de artistas que permitirán aos asistentes explorar novas formas de gozar os viños de Adega Paco & Lola. Catro atardeceres, catro ceas, catro concertos para poder gozar das tardes de verán. Música e gastronomía, co albariño Paco & Lola como eixo principal. Concertos diferentes e en pequeno formato, que nos permiten gozar da posta de sol nunha contorna máxica. Fundación Manolo Paz Este ano a presentación do novo ciclo de concertos terá lugar na Fundación Manolo Paz, unha contorna contemporánea onde a música e a arte van da man. A presentación terá lugar o venres 14 de xuño ás 10:00 h, onde daremos a coñecer as datas e artistas para este novo ciclo de Son & Sal. As entradas estarán dispoñibles na tenda online de Paco & Lola desde o venres 14 a un prezo de 45€, inclúe o paseo en barco, a cea e o concerto, todo isto acompañado do albariño Paco & Lola.