O BNG APOSTA POR UN PACTO DE ESQUERDAS PARA GOBERNAR CAMBADOS

COMUNICADO DA ASEMBLEA LOCAL DO BNG

A Asemblea Local do BNG reunida hoxe reafírmase en que o futuro de Cambados pasa pola conformación dun goberno municipal de esquerdas e nacionalista.

Para que ese goberno polo que apostamos poida ser unha realidade, é condición imprescindíbel que o PP non acceda á alcaldía. Os votos do BNG sumarán o vindeiro sábado con todos aqueles que coincidan nese obxectivo.

A dous días do Pleno queremos facer pública a nosa preocupación porque non hai garantía de cal vai ser o resultado. Ao día seguinte das eleccións municipais o BNG manifestou publicamente a súa disposición a encetar este camiño de inmediato, pero desgraciadamente non todas as forzas actuaron con igual rapidez e sentido da responsabilidade.

Agardamos que os pasos dados nas últimas horas permitan despexar a incógnita, e posteriormente conformar un goberno de esquerdas e nacionalista con un programa que permita afondar nos avances obtidos nestes últimos catro anos.

A vontade do BNG para acadar ese obxectivo é plena.