SOMOS CAMBADOS CONSIDERA PRIORITARIO E URXENTE EXECUTAR UN “PLAN DE REFORMA E ACONDICIONAMENTO DOS COLEXIOS PÚBLICOS”

- Somos Cambados reúnese con representantes das ANPAs e persoal docente de todos os colexios públicos cambadeses O candidato á alcaldía por Somos Cambados, Tino Cordal, realizou unha serie de reunións con representantes das ANPAs e persoal docente de todos os colexios públicos cambadeses para recoller as súas demandas sobre o estado das instalacións. Cordal constatou que todos os colexios públicos presentan algún tipo de carencias e deficiencias, polo que Somos Cambados leva no seu Programa de Goberno un “Plan de Reforma e Acondicionamento” dos colexios públicos cambadeses, no que se detallen as principais necesidades destes centros de ensino, e asegurou que “é absolutamente prioritaria e urxente a reforma e acondicionamento dos nosos colexios públicos para que o dereito básico á escolarización dos nosos nenos e nenas se realice nas mellores condicións posibles”. Cordal asegurou que “para Somos Cambados a Sanidade e a Educación públicas son unha prioridade como demostramos nestes catro anos”, polo que se comprometeu a acadar a financiación necesaria para solucionar as carencias dos centros públicos de ensino cambadeses. Ademais, Cordal incidiu que é necesario reforzar a seguridade vial nas contornas de todos os colexios, e que todos os centros conten con baños adaptados en perfecto estado para aqueles nenos e nenas con diversidade funcional ou necesidades especiais. Principais necesidades dos colexios públicos de Cambados: 

COLEXIO DE CASTRELO 
- Cambio de falsos teitos e luminarias no ximnasio. 
- Novos baños e duchas. 
- Reparar as goteiras no pavillón. 
- Arranxar o muro exterior e cambiar o peche por un máis seguro. 
- Facer un pulido do primeiro andar. 
- Acondicionar os patios e os xardíns. 

COLEXIO MAGARIÑOS 
- Antigas casas dos profesores. Gañar ese espazo para uso e desfrute do colexio, acondicionándoo e deixándoo preparado para a súa utilización. 
- Aula de informática. Habilitar un acceso desde o interior do colexio, incorporándoa ao espazo do mesmo como unha aula máis. 
- Mellora dos baños. 
- Mellora da calefacción. 
- Ampliación do comedor escolar. Na actualidade está na aula de inglés. Debido ás reducidas dimensións da aula teñen que comer en dúas quendas. Mellora da calidade do servizo de catering. 
- Mellora xeral das instalacións. Exteriores (patios, xardíns, etc.) e interiores. 
- Reforzo do servizo de limpeza. 
- Paso de peóns diante da porta principal do colexio. 
- Pintado exterior e interior do colexio. 
- Actividades extraescolares. Que todos os colexios se coordinen e unifiquen para optimizar recursos e non competir uns colexios contra outros. 

COLEXIO DE SAN TOMÉ - Reforzo do servizo de limpeza. 
- Instalación dun vídeo-porteiro. 
- Mellora dos elementos de xogo. 
- Reforma dos baños do segundo andar. 
- Cambio de falsos teitos e de luminarias. 
- Arranxo de portas e ventás. 
- Novo valado exterior. 
- Pasarela dende o colexio ao pavillón deportivo.  

COLEXIO DE VILARIÑO 
- Falsos teitos novos. 
- Ventás novas. 
- Novas canastras de baloncesto. 
- Novo peche exterior. 
- Novos baños e duchas. 
- Novo chan para o ximnasio. 
- Reforzo de limpeza. 
- Novas luminarias. 

COLEXIO DE CORVILLÓN 
- Ampliación do espazo cuberto. 
- Muro e peche exterior. 
- Novos baños. 
- Novas ventás nalgunhas aulas. 
- Melloras na Pista Deportiva 

COLEXIO DA PASTORA 
- Mellora do patio exterior. 
- Arranxo dos baños adaptados. 
- Arranxo do valo exterior e do peche