PLENO EXTRAORDINARIO ESTE VINDEIRO SÁBADO EN CAMBADOS

O sábado 30 de marzo, ás 12:00 na secretaría da casa consistorial celebrarase unha sesión plenaria extraordinaria, coa seguinte orde do día:

A: Sorteo dos membros das mesas electorais para as eleccións a cortes xerais a celebrar o día 28 de abril de 2019.

As eleccións xerais do 28 de abril están avolta da esquina. Como en cada cita electoral, decenas de miles de cidadáns terán que dedicar a súa xornada dominical a formar parte das Mesas Electorais, cuxa labor é a de presidir o acto da votación, controlar o desenvolvemento do mesmo e realizar as tarefas de reconto. O nomeamento do Presidente e os vogais de cada Mesa electoral recae sobre os Concellos. Os Consistorios elixen os membros da mesa mediante sorteo público.

Este sorteo leva a cabo entre a totalidade de persoas censadas na sección que teñan menos de 70 anos -a partir de 65 anos pódese presentar a renuncia nun prazo de sete días- e saiban ler e escribir. O presidente da mesa electoral deberá ter o título de Bacharelato ou Formación Profesional de segundo grao. Da mesma forma, procédese ao nomeamento dos suplentes para cada un dos membros da mesa.

Os cargos do Presidente e Vogal das Mesas Electorais son obrigatorios. Este ano, a elección realizarase entre os días 25 e 29 posteriores á convocatoria de eleccións. Segundo a Lei Orgánica do Réxime Electoral Xeneral, as eleccións deberían convocarse 54 días antes da súa celebración, polo que o sorteo celebrarase entre o 29 de marzo e o 2 de abril.

Ás persoas que lles toque participar nas mesas electorais notificaráselles nun prazo de tres días. Tras sete días desde que se recibe a notificación en casa, poderase xustificar á Xunta Central unha causa documentada que explique unha posible ausencia da mesa o día 28 de abril. Xunto á notificación, entregarase aos membros das Mesas Electorais un manual de instrucións sobre as súas funcións supervisado pola Xunta Electoral Central e aprobado polo Acordo do Consello de Ministros ou dos Consellos Executivos das Comunidades Autónomas.