O CONCELLO DE CAMBADOS RECOLLEU 29 TONELADAS DE ROUPA USADA DURANTE O EXERCICIO 2018

29.082,88 Kg recolleron os 10 colectores de recollida e tratamento do residuo téxtil, 4 instalados nas proximidades das igrexas de Cambados, Vilariño, Corvillón e Oubiña, e outros 6 instalados na Avenida de Galicia, Rúa Os Olmos, Rúa Sabugueiro, Avenida Vilariño, Avenida da Coruña e Avenida de Vilagarcía. Cambados, 23 de Xaneiro de 2019. O concello de Cambados ven de recibir os informes anuais emitidos para dar conta dos Convenios de Colaboración tanto con Cáritas Diocesana de Santiago de Compostela, como de “Humana - Fundación Pueblo para Pueblo” para a instalación de colectores coa finalidade da recollida e tratamento do residuo téxtil, e que en virtude destes convenios existen no concello de Cambados un total de 10 colectores de roupa. Desta maneira a empresa de Inserción Laboral, ARROUPA SANTIAGO EIL, titularidade de Fundación Cáritas Diocesana de Santiago de Compostela ven de informar o concello de Cambados que o pasado exercicio 2018 nos 4 colectores habilitados para a recollida e tratamento do residuo téxtil no Concello de Cambados, foron quen de recoller en total 17.156,80 Kg de roupa usada, 189,30 Kg máis co ano pasado, sendo o colector situado na Igrexa Parroquial de Santa Mariña Dozo, con 8.103,40 Kg, o que maior volume de roupa reciclou neste período, seguido do instalado na Igrexa de Corvillón con 4.059,80 Kg, logo atopase o situado na Igrexa de Vilariño con 3.280,60 Kg, e para rematar o colector instalado na Igrexa de Oubiña con 1.713,00 Kg.
Por outra banda, dende “Humana - Fundación Pueblo para Pueblo”, tamén nos trasladou ao Concello de Cambados os datos de recollida dos 6 colectores de roupa usada que ten distribuídos, e que o pasado exercicio 2018 recolleron un total de 11.926,08 Kg de roupa, sendo o colector situado na Rúa Os Olmos, con 4.526,08 Kg, o que maior volume de roupa reciclou neste período, seguido do instalado na Avenida de Galicia con 2.558,50 Kg, logo atopase o situado na Rúa Sabugueiro con 1.564,65 Kg, o situado na Avenida de Vilariño con 1.408,22 Kg, o situado na Avenida da Coruña con 1.354,08 Kg, e para rematar o colector instalado na Avenida de Vilagarcía con 514,55 Kg.
A Fundación leva a cabo campañas de sensibilización en torno á importancia da re-utilización e a reciclaxe de téxtil para a protección do medio ambiente e como fonte de recursos para a cooperación nos países do Sur. Humana conta con máis de 550 empregados. Forma parte da Federación Humana People to People, que agrupa a organizacións de 31 países, e en abril de 2018 realizou en catro colexios do Concello de Cambados obradoiros de sensibilización sobre a importancia da prevención de residuos e a re-utilización do téxtil usado, que consistían en elaborar ben unha bolsa ou ben unha marioneta a partir de material re-utilizado. O principal obxectivo era o de difundir a importancia da prevención de residuos e a re-utilización do téxtil usado, a súa relación coa sustentabilidade global, a protección do medio ambiente e a cooperación para o desenvolvemento, e que agora esta a dar os seus froitos.
O Concelleiro de Servizos Sociais, Sanidade e Terceira Idade de Cambados, Tino Cordal, “valora como positivos estes datos”, xa que estase a incrementar ano tras ano o volume de roupa reciclada grazas a integrar as distintas Parroquias de Cambados neste servizo de reciclaxe, ademais quere destacar que as empresas encargadas do reciclaxe “certifican que todos os residuos non reutilizables xerados foron tratados con un Xestor Autorizado de residuos para a súa eliminación” e agradécelle a tódolos veciños, a súa colaboración con esta campaña. Cordal considera ademais que “entre os obxectivos desta campaña tamén estaba transmitir á poboación cambadesa valores como a reciclaxe e a solidariedade entre veciños, sobre todo nos casos en que existen necesidades evidentes”.