CAMBADOS CELEBRA A SÚA PRIMEIRA FESTA DO ALBARIÑO DE INVERNO CON ESPUMOSOS

Imaxe: Arousa Sí Radio

Cambados celebrará este sábado a primeira edición da Festa do Albariño de Inverno con viños espumosos elaborados por nove adegas da denominación de orixe Rías Baixas. Baixo o mesmo formato que na tradicional Festa do Albariño, nesta cita poderanse degustar as variedades de viños espumosos das adegas Terra de Asorey, Novavila, Martín Códax, Pablo Padín e Pepa a Loba do Salnés, Señorío de Rubiós, Eidosela e As Laxas do Condado e Altos de Torona do Rosal.

Ademais, está festividade de inverno terá un carácter solidario e o prezo da copa de cristal, de 2 euros, irá destinado integramente á asociación GaliciAme, cuxa presidenta, Merchi Álvarez, tamén será a madriña e pregoeira desta primeira edición. En canto ao prezo dos espumosos, o mínimo por copa será de 2'5 euros e por botella estará establecido por cada adega. A I Festa do Albariño de Inverno celebrarase no Salón Peña en horario de 11:30 a 14:30 e de 18:00 a 21:30 horas.

Da parte musical ocuparanse o violonchelista Vladimir Von Litvikh que actuará no acto inaugural, ás 11.30 horas, e o grupo de metal Galicia Brass Bands subirase ao escenario do salón Peña ás 20.30 horas.