O CONCELLO DE CAMBADOS NOMINADO PARA OUTRO GRAN PREMIO

O Instituto Galego do Viño ( Ingavi) deu a coñecer a lista de nomeados aos Premios Mágnum do Viño Galego 2018, cuxa entrega se celebrará no seo da Feira Independente do Viño Castes. Será o vindeiro domingo 25 de novembro ás 13.30 horas, na Praza de Abastos de Vilagarcía de Arousa. Como novidade nesta oitava edición dos Premios incorpórase un novo galardón, o Mágnum ao Mellor Tratamento do Viño Galego fóra de Galicia, cuxos primeiros nomeados son Mugaritz, Aponiente, Taberna Laredo, Alkimia e Atrio. O resto de categorías teñen os seguintes candidatos: Mellor Viño Galego:

•             Fulcro 2016 (Bodegas Fulcro)

•             Ribeiras do Armea 2014 (José Luis Bouzón-Casa Beade)

•             Sílice Lobeiras 2016 (Sílice Viticultores)

•             Azos do Pobo2016 (Daterra Viticultores)

•             Prádio Brz 2014 (Fazenda Prádio)

Mellor Viño Revelación Galego (viños cun máximo de dúas colleitas no mercado):

•             O Tesouro 2016 (Viña Somoza Bodega y Viñedos)

•             Ollos de Roque 2015 (Fazenda Agrícola Augalevada)

•             Cume do Avia Dos Canotos 2017 (Adegas Cume do Avia)

•             Granuja 2015 (Lagar de Pintos)

•             Carralcoba Caíño Tinto 2015 (Eulogio Pomares)

               

Mellor Adega Galega (entendida como colección de viños):

             

•             Bodegas Rafael Palacios

•             Bodega Gerardo Méndez

•             Bodega Nanclares y Prieto

•             Bodegas Albamar

•             Coto de Gomariz

  

Mellor iniciativa de Enoturismo:

•             Concello de Cambados

•             Pazo de Rubianes

•             Bodega Algueira

•             Festival Ribeira Sacra

•             Os Xoves de Códax

Mellor Labor de Difusión do Viño Galego:

•             Festa do Viño Novo de Pontevedra

•             Libro ‘As Pedras que facían Viño’

•             Videafest

•             Volando Voy

•             Claustro Mercedario de Verín

Mellor Sumiller no Tratamento del Viño Gallego:

•             Tomás Ucha, (Sumiller del Equipo de Sumilleres en Mugaritz)

•             Ismael López (Sumiller en Casa Solla)

•             Xurxo Rivas (Copropietario y Sumiller en Taberna O´Secreto)

•             Miguel Ángel Barreiro (Propietario y Sumiller en Madialeva Wine Bar)

•             Elisabeth Castro (Propietaria y Sumiller en Mesón do Campo)

Os Premios Mágnum do Viño Galego teñen como finalidade promocionar a cultura do viño en Galicia a través do recoñecemento ás persoas que traballan decididamente a prol do futuro do viño galego. Asemade, os Premios Mágnum queren dar a coñecer aos consumidores e aos mercados a enorme calidade dos profesionais do viño en Galicia, facendo especial mención na promoción dos sumilleres e da súa labor. 

Os Premios Mágnum concédense con periodicidade anual. Os premiados en cada categoría nunha convocatoria non poderán ser premiados de novo na mesma categoría durante os seguintes 5 anos para favorecer a promoción de novos valores do viño galego.

Só poden ser candidatos aos premios as adegas que teñan a súa sede social en Galicia e os viños producidos en Galicia. Pola contra, si poden ser premiados sumilleres, entidades e profesionais da difusión do viño que destaquen polo seu apoio ao viño galego fóra de Galicia.