O CLUB PIRAGÜISMO CAMBADOS CAMPIÓN DA LIGA DE KAYAK DE MAR

A vitoria na categoría feminina foi para o Club Piragüismo Olívico, pola contra o Piragüismo Cambados foi o vencedor da categoría masculina na proba celebrada onte na praia de Cabanas. A praia da Madalena no concello de Cabanas tiña lugar a última proba da liga Galega de Kaiak de Mar, na que se reuniron dezanove equipos galegos. Ademais a competición era campionato galego da especialidade. O Club Piragüismo Cambados facíase co triunfo na xeral da proba ao sumar 1385 puntos, por diante do Club Piragüismo Olívico que sumou 917 puntos mentres que a terceira posición levouna o Club de Mar Ría de Aldán con 845 puntos. Polo que respecta á clasificación xeral feminina, a vitoria final na liga lévalla o Club Piragüismo Olívico, sendo o vencedor masculino o Club Piragüismo Cambados. A nivel individual a vitoria en K1 senior sprinter foi para Carlos Pérez “Perucho” do Club de Mar Ría de Aldán, seguido por Jose Girón do Fluvial O Barco e de Jacobo García do E. P. Cidade de Pontevedra, Evangelina Vázquez do Piragüismo Cambados foi a primeira en muller senior sprinter, por diante de María Sanromán do Piragüismo Olívico.