MOI PROBABLEMENTE SERGIO ABAL LIDERARÁ CIUDADANOS NAS LOCAIS DO ANO QUE VEN

A foto de perfil do facebook de Sergio Abal indica o próximo que está de Ciudadanos

Xa se despegou unha das incógnitas dos comicios municipais de maio do 2016. Haberá candidatura de Cidadáns en Cambados. Aínda que o partido fará a súa presentación dentro de 2 semanas todo fai supoñer que serán da partida na carreira electoral.

FARO DE VIGO

E o candidato será con toda seguridade Sergio Abal, irmán do actual edil de Obras, José Ramón Abal. Sergio Abal concorreu nos comicios do 2015 como suplente na candidatura de Cambados Pode que lideraba o seu irmán José Ramón Abal, e en febreiro de 2017 decidiu dar o paso e crear Alternativa por Cambados, porque estaba moi defraudado co seu irmán e dicía sentir vergoña polo papel que estaba a desempeñar no Concello.
Sergio Abal afirmaba en outubro do 2017, que o paso de presentarse ás eleccións fora unha decisión «dura e difícil» e que, aínda que non ten boa relación co seu irmán, non obedece a ningunha motivación persoal. Agora tras as conversacións con Cidadáns deixa de lado a súa plataforma e preséntase co apoio dun partido consolidado a nivel nacional pero non así a nivel autonómico e local.

DIARIO DE AROUSA

Nesa entrevista á Voz de Galicia avanzaba o seu primeiro punto do programa electoral. «Se son alcalde non vou cobrar un euro».
Sergio Abal, en calidade de coordinador local lidera un grupo de quince afiliados algúns deles saídos de Cambados Pode.
Sergio Abal foi crítico desde un principio co seu irmán, sendo tamén os outros tres grupos de goberno, a oposición, a Xunta e o Consello Regulador Rías Baixas branco das súas críticas. A presentación será o día 14, e acudirán a Cambados representantes autonómicos e provinciais de Cidadáns e, a partir de aí, abrirase o proceso para decidir se haberá cartel electoral laranxa o ano próximo neste concello.