TANIA VARELA DECLARA NO XUÍCIO POLO ASASINATO DO SEU MOZO

Miguel Ángel Durán, acusado do asasinato 

A avogada, que relacionou o crime coa contorna do fillastro de Oubiña, David Pérez Lago, apunta agora cara a outras "frontes" que a vítima tiña "abertos". Estaba citada como testemuña, pero a súa declaración era a máis esperada. Tania Varela, única testemuña presencial do asasinato do avogado madrileño Alfonso Díaz Moñux en 2008, apuntou ao crime para xustificar a súa fuga en 2013. "Me fui porque Alfonso, mi pareja, me dijo: si me pasa algo vete, igual que yo también intentaré proteger a mis hijas. Esto, sumado al miedo que tenía me llevó a esta situación horrorosa" Varela, que foi trasladada desde o cárcere de Brians e chegou á Audiencia de Madrid ataviada cun foulard azul cubrindo o seu rostro para evitar ser fotografada, lembrou o que viu cando tirotearon ao seu entón parella: "Estábamos en el coche de Alfonso entrando al garaje de casa, yo iba de copiloto, me agaché a coger las llaves que tenía en el bolso y sentí dos o tres ruidos fuertes. Me levanté y pregunté a Alfonso qué pasaba, pero él ya no me contestó".

"Vi dos siluetas, creo que de hombres, junto al coche"

Díaz Moñux

A avogada, condenada a sete anos por tráfico de drogas e branqueo de capitais, asegurou que viu "dos siluetas, creo que de hombres" xunto ao Mercedes no que acababan de asasinar a Moñux, pero que "desaparecieron rapidamente" e negou lembrar nada máis sobre o suceso, nin sequera o que explicou á policía nas tres declaracións que prestou aqueles meses posteriores á morte do avogado: "Aquellos hechos me dejaron en estado de shock, a día de hoy no he superado aquello", afirmou. Varela xa recorreu á amnesia tras o asasinato. Aínda que nun primeiro momento declarou á policía que o seu noivo levaba meses recibindo ameazas de morte e relacionounas coa contorna da súa expareja David Pérez Lago, fillastro de Laureano Oubiña, posteriormente asegurou perder a memoria e estar a recibir tratamento psiquiátrico nunha consulta de Valladolid, versión que mantivo na súa declaración deste mércores cando foi preguntada por algúns detalles: "Si declaré sobre Pérez Lago sería porque Alfonso (Díaz Moñux) haría algún comentario al respecto, pero mencionaba a David como mencionaba a otra gente", sinalou, restando importancia ao que contou entón.
Tamén negou que o fillastro de Oubiña e Moñux tivesen mala relación porque ela deixase a Pérez Lago para empezar outra relación co que entón era o avogado de ambos : "Ellos discutieron por temas que tenían pendientes, no por mí". E apuntou á vítima, que defendeu ao narcotraficante Sito Miñanco e a capos da mafia rusa como Zakhar Kalashov: "era un abogado que llevaba temas bastante delicados, tenía varios frentes abiertos"
Unha visita "estraña" en prisión
A que fose a española máis buscada por Interpol ata o pasado 28 de marzo asegurou que a mañá 6 de abril, tres días antes de que empezase o xuízo, recibiu unha visita "estraña" dun avogado de Oviedo en prisión: "Me dijo que se llamaba Víctor, que defendía a Durán (en referencia a Miguel Ángel Durán, el acusado al que se está juzgando) y que había defendido a los otros tres españoles que fueron condenados por el mismo asunto. Contó que estaban esperando por mi declaración en este juicio y quiso recordarme o hacerme recordar lo que yo declaré tras lo ocurrido, que los que mataron a Alfonso debían de ser colombianos. Pero la verdad es que yo no recuerdo nada, así que le pedí que se marchara y me dejara en paz".
A avogada mostrouse moi afectada ao longo de toda a súa declaración, rexeitou ver fotografías do procedemento e pediu expresamente que non se lle mostrase nin a imaxe da vivenda na que residía con Moñux en 2008. O seu aspecto apenas cambiou este tempo, aínda que a súa vestimenta na sala, pantalóns vaqueiros, sudadera e zapatillas deportivas, dista bastante do que era noutra época.

Artigos relacionados

-Tania Varela planeaba acabar coa súa condición de fuxitiva cando foi detida polos Mossos d'Esquadra

-Tania Varela planeaba finxir a súa morte antes de ser detida