SOMOS CAMBADOS MOSTRA O SEU REXEITAMENTO A INSTALACIÓN DUNHA ANTENA DE TELEFONÍA MÓBIL NA ZONA DOS CAEIROS

As reivindicacións dos veciños do entorno de Os Caeiros de Cambados, en contra da instalación dunha antena de telefonía móbil da compañía Orange debido aos posibles efectos que a infraestrutura poida ter sobre a saúde vai contar co apoio do grupo municipal de Somos Cambados.

O grupo de veciños que se están a organizar en protesta da instalación desta antena de telefonía móbil da compañía Orange, teñen previsto este próximo mércores na Praza do Concello, a celebración dunha concentración en protesta para ás 19:00h para poder concienciar a xente mediante este chamamento público, da súa postura en contra da instalación desta antena.

Dende Somos Cambados apoiamos estas mobilizacións e imos participar nesta concentración para expresar o noso apoio aos veciños e mostrar tamén o noso rexeitamento á colocación desta antena e animamos aos veciños e veciñas de Cambados que acudan a concentración en protesta prevista este mércores ás 19:00h na Praza do Concello, para poder acadar que a empresa retire este proxecto.

Estes veciños levan desde fai unha semana mobilizándose nunha campaña de oposición a instalación da antena de telefonía móbil da compañía Orange, que ten previsto instalar unha antena nunha finca particular na zona dos Caeiros. Segundo despréndese das reivindicacións dos veciños, a antena instalaríase nunha zona na que existen numerosos vivendas, e que conta con cinco centros educativos próximos, entre eles dúas garderías, e preto dun cabreado de alta tensión.

Dende Somos Cambados temos claro que neste tipo de mobilizacións temos que estar do lado dos veciños e das reivindicacións que propoñen, e que o primeiro para nos é a saúde da poboación e sobre todo dos nosos fillos, xa que estamos falando de nenos que acoden a gardería, e de moi curta idade, e polo tanto poden estar máis expostos a este tipo de radiacións.

Cabe lembrar que o Goberno local xa informou de que as corporacións locais non teñen competencias nesta materia, que compete en exclusiva a Consellería de Industria da Xunta de Galicia, encargado de conceder as autorizacións. A instalación, de calquera forma, quedara suspendida provisionalmente, á espera de que sexan emitidos os informes técnicos e xurídicos sobre a licencia de obra solicitada.

OPOSICIÓN A LA INSTALACIÓN DE UNA ANTENA DE TELEFONÍA EN LA CALLE OS CAEIROS