Juan Gil, de Bodegas do Palacio de Fefiñanes, foi reelixido por unanimidade presidente da Ruta do Viño Rías Baixas, cargo que seguirá ocupando catro anos máis. A principal novidade do novo equipo directivo é a incorporación do secretario xeral do Consello Regulador da Denominación de Orixe Rías Baixas, Ramón Huidobro, que pasa a ser o novo vicepresidente da asociación sen ánimo de lucro. Completan o órgano directivo Gonzalo Pita, tenente de alcalde de Sanxenxo, como secretario, e Xavier Zas, de Condes de Albarei, como tesoureiro.
En canto aos vogais, estes son: Jesús María Fernández, alcalde do Rosal; Arturo Grandal, alcalde de Salvaterra de Miño; José Ramón Abal, concelleiro de Enoturismo de Cambados; Antón Fonseca, de Adegas Terras Gauda; Antonio Ruiloba, de Adegas A Val; Benjamín Míguez, de Casa Rural María Bargiela; Meritxell Marcos, do Parador de Turismo do Albariño (Cambados) e Laura Dosil, do Hotel Talaso Louxo A Toja. Xunto a eles estará Ruth González, en representación de Turismo Rías Baixas.
O reelixido presidente emprazou a todos os vogais a unha próxima reunión na que se falará sobre as accións desenvolvidas desde a asociación sen ánimo de lucro, así como sobre os próximos obxectivos e actividades que se exporán de fronte ao ano 2018.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.