NOVOS ÉXITOS DO XIMNASIO VITALSPORT DE CAMBADOS

Este pasado sábado disputouse na localidade de Cangas do Morrazo o Campionato Galego Promesas de Taekwondo, no que o Club Vital Sport Cambados e o seu asociado o Club Gym Vital de Caldas de Reis desprazaron seis competidores, dirixidos pola súa adestradora Noelia Gómez, os cales realizaron un moi bo papel, conseguindo tres deles subirse ao podio. 
No caso de Pablo García Padín, conseguiu alzarse co primeiro posto do caixón e medalla de Ouro na categoría Cadete, peso Pesado. Alba Oubiña Búa conseguiu a medalla de Bronce na categoría Junior, peso Pluma, e, Mario Blanco Falcón outro Bronce, na categoría Cadete Semipesado.