PEREGRINOS VIDOS DESDE A ANTÁRTIDA CRUZARÁN O SALNÉS MAÑÁN

Un grupo de máis de setenta peregrinos que iniciaban hoxe o tramo final da Primeira Peregrinación polo Camiño de Santiago Antártico, que partiu da Antártida o 28 de febreiro desde a base española Gabriel de Castilla, situada na Illa Decepción do arquipélago das illas Shetland do Sur, a máis de 14.000 quilómetros de Compostela.

Os peregrinos participantes, que eles mesmos se denominan “pingüirinos”, partían hoxe da cidade do Lérez para dirixirse ata Compostela a través da ruta que atravesa o Salnés (Será o mañán martes cando este grupo de peregrinos visite a comarca de O Salnés durante o seu periplo).e continúa en barco pola ría de Arousa ata Padrón para seguir despois a pé. A súa chegada á cidade do Apóstolo está prevista para o vindeiro xoves, 7 de xullo.

O proxecto está promovido pola Federación Española de Asociacións de Amigos do Camiño de Santiago e tamén participan membros da Armada, do Exército de Terra, do Instituto Hidrográfico da Mariña e do Instituto Xeográfico Nacional. Estes dous últimos organismos documentarán a experiencia. Concretamente, participan militares da dotación do buque de investigación oceanográfica Hespérides e da XXIX Campaña Antártica do exército de terra.