CAMBADOS SERÁ PUNTO DE PARTIDA DA 32º TRASLATIO

Tabla do século XV que representa a translatio, Museo Diocesano de Camerino, Italia.

Cambados será este ano o punto de partida da XXXII conmemoración da Ruta Xacobea do Mar de Arousa e Ulla, máis coñecida como Traslatio.

Dous catamaráns partirán o sábado 23 de xullo ás 16.15 horas do porto de Tragove, tras un acto institucional presidido pola alcaldesa de Cambados, Fátima Abal, e o Presidente da Ruta Xacobea por mar, Javier Sánchez-Agostiño.

A ruta realizará o remonte por mar ata Padrón para que os asistentes visiten o "Pedrón" onde foi amarrada a barca cos restos do Apóstolo Santiago e posteriormente regresarán a Cambados.

O acto institucional de saída está aberto ao público en xeral e a participación na Ruta require unha previa inscrición gratuíta a través da Oficina de Turismo de Cambados cun límite de aforamento total de 100 persoas aproximadamente.