O CAMBADÉS ÁNGEL SÁNCHEZ LOGRA O SEU PRIMEIRO TRIUNFO PROFESIONAL

Ángel Sánchez Rebollido (W52-FC Porto) gañou o domingo, en solitario, o Memorial Bruno Neves, terceira proba da Copa de Portugal elite e disputado en 143 quilómetros entre Oliveira de Azeméis e Nogueira do Cravo. 

O cambadés tamén liderou a clasificación dos Sprints.

A crónica dos 143 quilómetros da carreira deste domingo foi escrita por un trio de escapados, Ángel Sánchez, João Matias (Supermercados Froiz) e Tiago Ferreira (Liberty Seguros/Carglass). O galego decidiu cando quería atacar, illouse e venceu en solitario, tornándose o sexto corredor da W52-FC O Porto en erguer os brazos en 2016.

"Vin que os compañeiros de fuga ían a aforrar. Era probábel que xa non tivesen moitas forzas. Como non colaboraban, non podía permitir a aproximación do pelotón e funme só, seguindo as indicacións do director deportivo, Nuno Ribeiro", explicou Ángel Sánchez.

Os compañeiros de fuga do galego acabaron mesmo alcanzados, coa segunda posición para António Barbio (Efapel), que chegou a  2´56s do vencedor. Joaquim Silva (W52-FC O Porto) fechou o pódio, a 2´59s do cambadés e compañeiro de equipo.

A W52-FC O Porto gañou por equipos, Ángel Sánchez conquistou a clasificación dos sprints. 


A Copa de Portugal termina cunha xornada dobre, os días 13 e 14 de agosto, datas en que van realizarse, respetivamente, o gran Premio de Mortágua e o gran Premio Anicolor.

Aquí tedes un resumo en vídeo da carreira.