O COLEXIO DE COIRÓN (DENA) ACADA UNS DOS PREMIOS OLLOBOI

O pasado 28 de maio falláronse os premios Olloboi 2016 na gala celebrada na Casa da Cultura de Boiro, tras un longo día de encontros, aprendizaxe, risas, emocións e moita ilusión. 
Despois dun novo récord de participación e con traballos que cada vez teñen máis calidade, non foi nada doado decidir os gañadores.
Olloboi é un festival que persegue recopilar, recoñecer, difundir e motivar para seguir traballando o audiovisual nas aulas con todo o que iso supón. Interésanos procurar encontros, unión e colaboración máis que competición.
Trala selección de finalistas feita pola organización, a elección dos gañadores da maioría de categorías corresponde ao xurado que nesta edición estivo composto polas actrices Sabela Arán e Sabela Hermida e o profesor e músico Fernando Abreu, todos eles recoñecidos profesionais que de xeito altruista levaron a cabo esta difícil tarefa. 
Tras días de atento visionado e arduas deliberacións finalmente o veredicto concretouse durante o mesmo Encontro Olloboi, sen desvelar os traballos gañadores ata a mesma gala de entrega de premios. A continuación, os traballos premiados nesta edición 2016.

PARABÉNS A TOD@S!! :)

---

PREMIO ESPECIAL VIDEOPOEMA

O Premio Videopoema incluíuse por primeira vez nesta edición grazas a unha doazón de última hora por parte do IES A Cachada. O propio patrocinador decidíu o traballo merecedor do premio que recaeu no seguinte vídeo:

Premio	Título	Centro Educativo
Videopoema	A Loita Final	IES A Cachada - Boiro

CATEGORÍAS PRINCIPAIS

Estas categorías de premios buscan salientar e recoñecer as propostas que destacan pola súa comicidade, fotoxenia, combatividade, música orixinal ou adaptada, etc. Todos estes premios, agás o Online que se decide exclusivamente polas votacións do público, son outorgados polo xurado a partir dos finalistas seleccionados pola organización.

Premio	Título	Centro Educativo
Cómico	Os Superpoderes dos Alimentos	CEIP A Lama - Lama (A)
Peleón	8 de marzo. Homenaxe á muller traballadora	IES de Arzúa - Arzúa
Fotoxénico	En Liña	IES de Cacheiras - Teo
DJ	Compra oh!	CPI Plurilingüe Eusebio Lorenzo Baleirón - Dodro
Guión	MIA (Módulo Intelixente Androide)	IES A Cachada - Boiro
Animado	Quen levou a Lúa?	CEIP da Torre-Illa - Illa de Arousa (A)
Doc	Os camiños esquencidos	IES Poeta Díaz Castro - Guitiriz
Universitario	Change that tune	FCSC Pontevedra - Universidade de Vigo - Pontevedra
Online	Milo	CEIP de Coirón-Dena - Meaño

PREMIO ZAMBURRIOI

O premio entregado pola propia organización do festival, onde ademais dos criterios xerais das bases pódense ter en conta outros coma a traxectoria audiovisual do centro educativo, a participación da comunidade educativa, etc.
Polo gran traballo levado a cabo durante anos no uso do audiovisual como ferramenta educativa, pola cantidade e calidade dos seus traballos presentados, o premio Zamburrioi concedido pola organización de Olloboi foi para...

Premio	Centro Educativo
Zamburrioi	IES As Barxas