VICTORIA DO XUVEN EN GETAFE

Primeira vitoria a domicilio do bloque galego, que se afasta da zona baixa da clasificación tras a súa segunda alegría seguida. Viten Getafe deixa escapar a súa segunda oportunidade consecutiva de engancharse ao resto de equipos.

Tras uns minutos iniciais de tanteo, os galegos tomaban a iniciativa para escaparse no marcador (10-17). O acelerón de Xuven Cambados tiña continuidade e íase ata o 10-22, co seu rival madrileño sen ver aro durante máis de cinco minutos. A vantaxe visitante estabilizábase por encima da decena ata o descanso (23-35). Nada cambiaba tras o paso polos vestiarios e os de Miguel Ángel Hoyo seguían navegando con tranquilidade no dobre díxito (35-49). Os galegos entraban con +13 no período final e non sufrían ata o bocinazo final fronte a un rival incapaz de reducir a súa desvantaxe.

A clave: Xuven Cambados tomou unha considerable vantaxe no segundo cuarto e non tivo problemas en todo o encontro. Cinco xogadores por encima dos dez tantos nos galegos e seis en dobre díxito de valoración.

Estadística