O XUVEN ENFRÓNTASE AO LÍDER

O líder poñerá a proba o seu liderado na cancha do conxunto máis anotador da categoría, pero tamén do que máis puntos recibe. Carrefour "El Bulevar" de Ávila chega a O Pombal despois dunha sufrida vitoria ante o pechacancelas que lle outorgou o liderado da competición. E os de David Mangas non queren que esta primeira praza sexa flor dun día. En fronte, un Xuven Cambados que vén de pechar a sexta xornada o luns en Mendizorroza e que volve á súa pista buscando resolver o seu principal problema: encaixou máis de oitenta puntos en cinco das seis xornadas disputadas. E catro deses choques acabaron con derrota. Os abulenses non poderán contar con Álvaro Lobo, xa baixa a pasada semana, e que estará ausente ata o ano que vén por unha fractura na súa boneca dereita. Pero David Mangas xa conta con substituto: Berni García, procedente do CB Vélez de liga EBA. "Xa estivo na nosa axenda e vainos a axudar moito".

Data e hora: Sábado, 18:00 h. Canal Xuven de YOUTUBE

Atención a: Ante a baixa do seu compañeiro no perímetro, Carles Marzo tomou maior protagonismo no triunfo ante Viten Xetafe. 

A clave: Quen impoña o seu modo de xogo terá moito gando. Xuven Cambados anota 85.8 puntos por encontro, mentres que Carrefour "El Bulevar" de Ávila soamente permite 67.5 tantos por choque.