MAÑÁN PRESÉNTASE "ESMAR"

Presentación no Concello de Ribadumia da “Asociación contra o maltrato ESMAR, Maltrato Cero”

A asociación de competencia comarcal ten entre as súas finalidades o apoio a mulleres do Salnés víctimas de violencia de xénero e de calquer tipo de maltrato físico ou psicolóxico.

Mulleres, nenos ou homes están a padecer a lacra da violencia de xénero e para dar apoio e cobertura as víctimas nace esta asociación de ámbito comarcal promovida por un grupo de mulleres da comarca coa axuda do CIM que abrangue aos concellos de Cambados, Meis e Ribadumia e da Mancomunidade do Salnés

Ao acto que terá lugar mañán mércores 25 a 13:30 no Salón de Plenos do Concello de Ribadumia e asistirán a Alcaldesa de Cambados, Fátima Abal, o alcalde de Ribadumia, David Castro, membros do CIM e da Mancomunidade entre outras autoridades.

No acto farase a presentación da directiva de "ESMAR" e daranse a coñecer as lineas de actuación da asociación e os proxectos que tentarán levar a cabo.

ESMAR xa conta con páxina no Facebook, onde poderedes ver as suas iniciativas e proxectos.