O XUVEN ENFRÓNTASE AO HISTÓRICO GRANADA

As competicións FEB volven ao Palacio de Deportes de Granada despois de catro tempadas de ausencia. E faino cun duelo ao grande, cos dous primeiros clasificados cara a cara. Covirán Selecta estréase ante o seu público despois do espectacular +23 en Xetafe que o colocou no primeiro posto da clasificación e que provocou un novo tirón entre os afeccionados ao baloncesto nazaríes. Iván Martínez, cunha rotura fibrilar, será baixa para este duelo. En fronte estará o Xuven Cambados, protagonista do histórico partido da primeira xornada, coas boas prestacións mostradas polas súas incorporacións, e con Sergi Quintela e Joel Almeida á cabeza.

O Xuven fixo a viaxe en bus onte durmindo xa en Granada.
A sesión de tiro de hixe servirá para constatar o progreso de Michel Diouf no proceso de recuperación da lesión no seu xeonllo. Miguel Ángel Hoyo está convencido de que o pivote poderá axudar durante algúns minutos no encontro desta tarde. O problema do xogador interior é a única ameaza que no apartado físico parece presentárselle ao Xuven.

Sábado, 18:00 h.

Atención a: duelo de ilustres na zona do Palacio de Deportes. Jesús Fernández (06/08/1975, 240 nas competicións FEB e 336 en ACB) vs Alberto Rodríguez (17/08/1975 e 479 partidos) nas competicións FEB).

O dato: prevese un choque altamente ofensivo. Entre ambos os conxuntos sumaron 213 puntos na primeira xornada.