BÚSCANSE PERSOAS DISPOSTAS A COLABORAR NA ATENCIÓN A REFUXIADOS

 A Federación Española de Municipios e Provincias, co fin de contribuír a articular a resposta coordinada das Entidades Locais á crise humanitaria que están sufrindo os refuxiados, ven de crear a Oficina de Coordinación Municipal de Axuda ao Refuxiado, que nace con vocación de resultar útil ás entidades locais na súa resposta solidaria a quenes a están padecendo.

Para colaborar con esta oficina, o Concello de Cambados pídelle a aquelas persoas que estean dispostas a colaborar que se poñan en contacto con nós a través do email alcaldia@cambados.es para así coñecer os recursos, tanto humanos como materias dos que podemos dispoñer, e actuar da forma máis coordinada posible entre as distintas administracións.

O ofrecemento pode incluír todo aquelo que os  voluntarios consideren oportuno, tanto para a fase de acollida como para a de apoio á integración, e, entre outros:

• Aloxamento
• Manutención
• Asistencia xurídica
• Asistencia psicolóxica
• Atención social e asesoramento
• Acompañamento a centros escolares, sanitarios e sociais públicos
• Aprendizaxe do idioma e habilidades sociais básicas
• Asistencia en trámites administrativos
• Orientación e intermediación para a Formación Profesional e a inserción laboral
• Axudas económicas directas para axudarlles a afrontar os seus gastos de primeira necesidade

A información facilitada ao Concello será só coñecida polos servizos da FEMP que a recabarán para elaborar un inventario de tódolos recursos municipais dispoñibles para facerllos chegar ao Ministerio.