O CERCO E O ARRASTRE ACHEGAN POSTURAS

Os barcos galegos do arrastre están dispostos a sumarse á iniciativa do cerco que propón establecer topes diarios de xurelo para non saturar o mercado e manter os prezos. 
Con todo, o arrastre pon como condición que os barcos portugueses que pescan en augas galegas teñan tamén topes e limitacións. 
Representantes do arrastre reuníronse hoxe en Santiago con armadores do cerco e responsables da Consellería do Mar.
O pactado hoxe é un preacordo, pero a semana que vén seguirán as negociacións.
A Xunta comparte a preocupación do sector. Asegura que o Executivo español está a negociar co portugués para que os barcos lusos cumpran as mesmas normas que os galegos.